الفرق بين المسقط المعمارى والانشائى

الفرق بين المسقط المعمارى والانشائى

مهمه الانشائين بيكون المسقط المعمارى معطى  من المعماري ومطلوب ايجاد المسقط الانشائى بناء على اللوح المعماريه ..

– اولا يتم القطع فى منسوب نصف الدور و استخراج اللوح المعماريه من قبل المعمارين عن طريق النظر الى اسفل فيظهر فيها الابواب والشبابيك والفرش و فتحات السقف والابواب .

و أما فى المسقط الانشائى الوضع يختلف 
فمهمه المهندس الانشائى هى الهيكل الانشائى للمبنى فلا يهمه الابواب والشبابيك وخلافه من مهام المعمارى .. فبقطع و أنظر لأعلى ماعدا فى الاساسات فقط ينظر الى اسفل .

الهيكل زى العمود الفقرى والعظام فى جسم الانسان مهمتها تتحمل الصدمات التى يتعرض لها الجسم وامتصاصها ونقل الاحمال الى الارض وتكون فى المبانى متمثله فى الكمرات و الأعمدة و Shear Walls و خلافه …

(فاقد الشئ لايعطيه) فلازم تكون فاهم مش حافظ علشان تخرج المسقط الانشائى بكفائه عاليه و احترافية . لأن الغلطة عندنا بينتج عنها كوارث حرفياً ..

كمان لما نقطع فى العمود فيظهر بقطاعه مهشر لاننا قطعنا فيه على عكس قطاع الكمر الذى يظهر خطين والمساحه المتبقيه تمثل البلاطات وتسمى (سقف الدور ………)
وفى وجهه نظر ثانيه ” مكاتب التصميم الأجنبية عموما ” فى رسوماتها المهندس الانشائى بينظر من اعلى السقف وينظر الى اسفل فتشوف الكمرات خطين منقطين وفى هذه الحاله تسمى (ارضيه………)

– مشكلة دايما بتواجه الناس هى السلم ؟! ممكن يكون كل اللى فات دا سهل بس السلم بالذات مشاكله كتير و احيانا توفيق حساباته بيكون محتاج حد فاهم و مخيلته قوية