اشهر اسئلة المقابلة للمهندس المدني مع الحل

 اشهر اسئلة المقابلة للمهندس المدني مع الحل

1. - 1عندك قاعدة خرسانية 2*3 م ............ بالنسبة للحديد الفرش هيبقى فى اى اتجاه ؟ وليه ؟

يكون حديد الفرش في أي اتجاة ولكن يفضل ان يكون حديد الفرش بالاتجاة القصي

- 2 اشرحلى اختبار الslump test ? وبنعمله ليه ؟

هو اختبار لتحديد قوام الخرسانة (جافة –صلبة –لدنة –سائلة ) باستخدام قمع فتحتة العليا 10 والصغرى 20 وارتفاعى 30 نضع الخلطة فية على 3 طبقات وتدمك بقضيب 25 ضربة ثم نزيل القمع ونحسب الهبوط

- 3 لما بنيجى نصب الخرسانة بناخد كام مكعبات الكسر عشان نعمل ليهم اختبار ؟ وكل كام متر مكعب ؟

6 مكعبات لكل 100 متر مكب

- 4 المترالمكعب الخرسانة درست فى الكلية انه يتكون من .8 م3 زلط و .4 م3 رمل؟؟ مع العلم ان مجموع النسب دى يعطى 1.2 م3 فما تفسيرك لذلك ؟؟

لان الرمل يتغلغل في الكري

- 5 فاصل صب الخرسانة المسلحة بيكون عند( الزيرو شير) ولا( الزيرو مومنت)؟؟ وليه ؟؟

عند الزيرو مومنت وذلك حتى لا يؤثر

 على مقاومة الشد للعنصر

6- 6بنوصل الحديد فى الكمرات عند . (الركائز ولا الوسط ) وليه ؟؟

عند الركائز

- 7 ازاى بتستلم الخنزيرة من النجار ؟؟؟؟؟

-يتم استلام أبعاد الخنزيرة بحيث تكون أكبر من أبعاد الحفر بمسافة تمنع تأثرها بالحفر.
-يتم شد خيط للتأكد من إستقامة أضلاع الخنزيرة.
-التأكد من تقوية جميع الاضلاع بالخوابير (أو الشكالات فى حالة كون الخنزيرة على ارتفاع أعلى من الارض الطبيعية) ويكون التثبيت خلف خلاف على مسافة 50سم تقريبا .
-مراجعة أفقية كل ضلع من أضلاع الخنزيرة بواسطة ميزان المياه.
-مراجعة أفقية أضلاع الخنزيرة عند أماكن الالتقاء.
-التأكد من الزوايا المحصورة بين الاضلاع عن طريق نظرية فيثاغورث.
-التأكد من عدم حدوث أى حركة فى زوايا الالتقاء بين أضلاع- الخنزيرة بأن يتم تقويتها جيدا.

- 8 لو الارض صخرة وانت عايز تحفر على عمق 3 متر .. فأى نوع من انواع عربية الحفار تستخدم لحفر الصخور ؟

حفار البوكلين يستخدم فى التربه الصخريه وفى حالة الصخور يتم الحفر المطرقى لتجهيز العينات بحجم 4-5 بوصة في عمق يصل إلى 100 م كحد أقصى.

9- 9لماذا تستخدم الاحلال تحت الخرسانه العادية ؟

لحماية الخرسانة من المياة والهبوط وجعل سطح استناد الخرسانة مستوي

- 10ايه نوع الاسمنت المستخدم فى الاساسات ؟ والمستخدم فى السقف ؟ والمستخدم فى حوائط الخزان؟

.في الاسقف اسمنت عادي .......وفي الاساسات يمكن استخدام اسمنت مقاوم للكبريتات

11- لو وصلتلك تقرير بان مكعبات الكسر فشلت بعد 28 يوم اتعمل ايه ؟

- فى حالة فشل فحص المكعبات بعد 28 يوم :- يتم اللجوء الى فحص الكور تيست او اختبارات القلب الخرسانى

12- ما اسم القطعه الخرسانية التى توضع فى ال cover فى الكمرات والسقف والاعمدة والاساسات ؟ وما سمك ال cover لكل منهم ؟ وليه بنستخدمها ؟

اسم القطعه الخرسانيه التى توضع فى ال cover :- بسكوت او وضع وتر خرسانى من الاسمنت والماء كبديل للبسكوت
سمك ال cover :- فى الاعمده 2.5 سم وفى القواعد والاسقف 5-7 سم

وظيفته :- حماية حديد التسليح من الصدأ

13- وزن المتر الطولى للاسياخ معروفة فى جدول الحديد .. افرض انت مش معاك الجدول ومش حافظة ازاى تطلع وزن المتر الطولى لسيخ قطرة 16 من غير جدول

- لو مش معانا جدول وعايزين نعرف وزن المتر الطولى لاى سيخ عموما فيه قانون يعرفنا بسهوله :-
وزن المتر الطولى = ( القطر بالمللى)تربيع ÷ 162

14- الحداد لو سالك وعايزك تفصلة الكانه لكمرة طولها 30*70 يبقى طول السيخ للكانه الواحده كم متر ؟

- بالنسبه لحساب طول الكانه لكمره (30*70) :- الفكره اننا هنسيب cover مناسب وليكن 5سم من فوق ومن تحت ومن اليمين ومن الشمال
من فوق ومن تحت من البعد 70 ومن اليمين والشمال من البعد 30
هيتبقى عندنا طول السيخ = 20+60 + 5سم قفل كانه = 85 سم تقريبا

.......

15- كثافة الحديد بساوى كم ؟ وكثافة الخرسانه العادية والمسلحة بيساوى كم ؟

- كثافة الحديد 7870 كجم / م 3
كثافة الخرسانه العاديه : ( 2200-2300) كجم/م3
كثافة الخرسانه المسلحه : ( 2400-2500) كجم/م

16- المتر مسطح مبانى فيه كم طوبة ؟ والمتر مكعب مبانى فى كم طوبة ؟

- بداية ابعاد الطوبه : 25*12*6 سم
عدد الطوب فى المتر مسطح = مساحة المتر مسطح مبانى ÷ مساحة الطوبه الواحده
عدد الطوب فى المتر مكعب = حجم المتر مكعب مبانى ÷ حجم الطوبه الواحده

17- اذا كان عندى عمود طوله 30 سم وعرضة 60 سم وارتفاعه 3 متر ازاى اعرف وزن العمود ؟

الوزن = الحجم * الكثافه
اذن وزن العمود = (0.3*0.6*3)*2500 = 1350 كجم

18-ماهو الفرق بين التيودوليت ؟ والتوتال استيشن ؟

الفرق بين التيودوليت والتوتال ستيشن :-
التيودوليت :- جهاز مساحي دقيق يستخدم لقياس الزوايا وقياس فروق الارتفاع والمسافات
التوتال ستيشن :- جهاز للرصد المساحي الارضي يجمع بين عدة أجهزة في محطة واحدة: فهو يجمع بين ثيودليت الكتروني لقياس الزوايا الافقية و الرأسية + جهاز قياس المسافات الكترونيا+ وحدة ذاكرة داخلية أو كارت بيانات لحفظ الارصاد ونقلها بعد ذلك للحاسب الالي + معالج كمبيوتر لاتمام بعض العمليات الحسابية داخل الجهاز واظهار النتائج علي شاشة الجهاز أثناء الرصد العملي (مثل حساب المسافة الافقية وحساب فرق ارتفاع وحساب احداثيات النقطة المرصودة بمعلومية احداثيات النقطة المعلومة ....الخ) ..... وهذا الجهاز هو أحدث ماوصلت اليه ثورة الاجهزة المساحية الارضية في السنوات الاخيرة

ساعد على نشرها